عمر كمال ممنوع من التمثيل

صرح المخرج محمد جمال العدل أنه تلقى اتصالًا هاتفيًّا من الدكتور أشرف زكي نقيب المهن التمثيلية، تناولًا خلاله مشاركة المطرب عمر كمال في مسلسله الرمضاني بين السما والأرض، وأكد نقيب المهن التمثيلية أن عمر كمال غير نقابي وهو ما يمنعه من المشاركة في الأعمال الدرامية.

وقال العدل: «تواصل معايا د. أشرف زكي وبيقولي أن عمر كمال عنده مشكلة إنه مش نقابي وانا كنت فاهم انه مقيد في نقابة الموسيقيين، هشوف ممكن اعمل ايه لكن الغريب هو كم الزعل من الخبر ان عمر كمال يمثل، على فكرة احمد عدوية وحسن الاسمر وحكيم مثلوا، وشعبان عبدالرحيم الله يرحمه مثل مع استاذ داوود عبدالسيد ومكانش فيه مشكلة يعني».

وفيما يتعلق بالوعد الذي كان قد قطعه على نفسه بإشراك وجوه جديدة تطمح للعمل في مجال الفن، أكد أنه تلقى آلاف الطلبات من مصر كلها، وأنه بالفعل أشرك ممثلين جدد في عمله القادم.

وتابع: «أما الناس اللي بتقوللي ان أنا منفذتش وعدي وقابلت الناس في ال casting، احنا جالنا اكتر من ٧ آلاف شخص عايز يمثل سامع الرقم ٧ الاف، وانا مش مسؤول ان فيه ناس اتصلت ومكتب ال casting مردش عليهم، ده غير إن معايا اكتر من خمس ممثلين خريجين معهد فنون مسرحية وووجوه جديدة مش خريجين المعهد وبيمثلوا لاول مرة ،انا طول عمري قد كلمتي واللي يعرفني يعرف كدة كويس، ومش مطلوب مني اقدم كشف باللي اختارتهم من ال casting عشان سيادتك متتهمنيش اني بعمل show».